ჯანსაღი ცხოვრების წესის კომპანიებში დანერგვის მიზნით, მინი-ფეხბურთის ფედერაციამ ახალი პროექტის განხორციელება დაიწყო. აჭარაში უცხოური ინვესტიციებით დაფუძნებული კომპანიების თანამშრომლებისგან ფეხბურთის გუნდები ჩამოყალიბდება და მათ შორის შეჯიბრებები გაიმართება. პროექტის ორგანიზებულად და წარმატებულად წარმართვის მიზნით, საერთაშორისო ინვესტორთა ასოციაციაში მისი წვერი-კომპანიების მენეჯერებსა და მინი- ფეხბურთის ფედერაციის პრეზიდენტ ვახტანგ ბარაბაძეს შორის პირველი შეხვედრა გაიმართა.
საერთაშორისო ინევსტორთა ასოცაციაში გაერთიანებულია 24 კომპანია და დასაქმებულია 16 683 ადამიანი. ამდენად კომპანიების კარგი ადამიანური რესურსი გააჩნიათ იმისთვის, რომ მენეჯერებისა და მუშა-მოსამსახურეებისგან ფეხბურთის გუნდები ჩამოყალიბდეს, რომლებიც მინი-ფეხბურთის ჩემპიონატში მიიღებენ მონაწილეობას. „პირველი და მეორე ადგილებზე გასული გუნდები გაემგზავრებიან თურქეთის რესპუბლიკაში თურქ-მეწარმე კოლეგებთან მეგობრული ჩემპიონატის ჩასატარებლად. მსგავსი შეჯიბრებების ჩატარება ხელს შეუწყობს საქართველო- თურქეთის მეგობრულ და სპორტული ურთიერთობების გაღრმავებას", -განაცხადა ვახტანგ ბარაბაძემ.
შეგახსeნებთ, rom 2009 წელს, ბათუმში საერთაშორისო ინვესტორთა ასოციაცია ექვსმა, უცხოური ინვესტიციებით შექმნილმა, კომპანიამ დააფუძნა. დღეს ასოციაცია 24 მეწარმე-სუბიექტს აერთიანებს. კომპანიები ძირითადად წარმოების სფეროში ოპერირებენ, მათ შორის ტექსტილი, სამშენებლო საქმე, სოფლის მეურნეობის გადამამუშავებელი მრეწველობა, ტრანსპორტი, ჯანდაცვა, ინდუსტრია და ტურიზმი. 2005 წლიდან დღემდე ასოციაციის წევრმა კომპანიებმა საქართველოში, ძირითადად, აჭარის რეგიონში, დაახლოებით მილიარდი დოლარის ინვესტიცია განახორციელეს და 16. 683 ადამიანი დაასაქმეს.