დღეს, 7 ოქტომბერს, 19:00 საათზე, მწერალთა სახლში პოეტისა და მთარგმნელის, გიორგი ლობჟანიძის ლექსების ახალი კრებულის _ "არაბულის მასწავლებელი" _ პრეზენტაცია გაიმართება.
გიორგი ლობჟანიძეს უკვე გამოცემული აქვს 3 პოეტური კრებული: "ობლის კვერი", "დუღილის ტემპერატურა", "ბაბუაწვერის თაიგული". მისი ახალი, მეოთხე პოეტური კრებული "არაბულის მასწავლებელი" გამოუქვეყნებელ და ახალ ლექსებს აერთიანებს.
გარდა პოეზიისა, გიორგი ლობჟანიძეს თარგმნილი აქვს შუა საუკუნეებისა და თანამედროვე არაბული და სპარსული ლიტერატურის არაერთი ნიმუში, რომელთაგან ცალკე წიგნად გამოქვეყნებულია: ჯალალ ედ დინ რუმი "ყაზალები", იბნ ალ მუკაფფა "წიგნი ქილილისა და დამანასი", სოჰრაბ სეფეჰრი "წყლის ფეხის ჩქამი", ჯიბრან ხალილ ჯიბრანი "იესო _ ძე კაცისა", ფორუყ ფაროხზადი "მეორედ დაბადება", "სპარსული ზღაპრები" , ყურანი.
გიორგი ლობჟანიძე ლიტერატურული პრემია "საბას" ორგზის ლაუერატია საუკეთესო თარგმანებისთვის.