ქართველი მოციგურავის, 2014 წლის სოჭის ზამთრის ოლიმპიადის მონაწილის ელენე გედევანიშვილის განცხადებით, მისთვის ფსიქოლოგიურად ძალიან ძნელი იქნება სოჭის ოლიმპიადაზე გამოსვლა.
„ფსიქოლოგიურად ჩემთვის ძალიან ძნელი იქნება იქ გამოსვლა, მაგრამ ეს ჯერ ერთი ჩემზე არ არის დამოკიდებული ეს და მე ყველანაირად გავაკეთებ იმას, რაც იქნება ჩემი სამშობლოსთვის უკეთესი. ანუ რა თქმა უნდა ჩემთვის მნიშვნელოვანი იქნება ოლიმპიადაზე წასვლა, როგორც ყველა სპორტსმენისთვის, ჩვენ ხომ ამისთვის ვემზადებით?!,"- განაცხადა ელენე გედევანიშვილმა.
ცნობისთვის, დღეს გავრცელებული ინფორმაციის თანახმად, სოჭის ოლიმპიადის ერთ-ერთი პირველი მეჩირაღდნე 2008 წლის რუსეთ-საქართველოს ომში მონაწილე სამხედრო მფრინავი ივან ნაჩაევი იქნება. ნაჩაევი 2008 წლის აგვისტოში საქართველოში "სუ 25"-ის ტიპის თვითმფრინავით საბრძოლო დავალებებს ასრულებდა. აღნიშნული ომის შემდეგ მას რუსეთში გმირის წოდებაც მიენიჭა.
