ამხანაგობების თავმჯდომარეების დაფინანსების წესთან დაკავშირებით მსჯელობა დედაქალაქის საკრებულოში გაგრძელდება. თბილისის საკრებულოში ფრაქტია „დედაქალაქის" სხდომა უკვე დასრულდა.
დეს მხარეები კონკრეტულ გადაწყვეტილებამდე ვერ მივიდნენ, თუმცა არ გამორიცხავენ, რომ ამხანაგობების თავმჯდომარეებს დაფინანსება აღუდგეთ. განცხადება ამის შესახებ თბილისის მერმა გიგი უგულავამ თითქმის ორსაათიანი დახურული შეხვედრის შემდეგ გააკეთა.
როგორც მერმა ჟურნალისტებთან საუბარში აღნიშნა საუბარი არის დაფინანსების წესთან დაკავშირებით და განხილვები უნდა მოხდეს სწორედ ამ საკითხზე თუ რა წესით მოხდება ამ ადამიანების დაფინანსება.
წესი შესაძლოა მიღებულ იქნას საკრებულოს რიგგარეშე სხდომაზე, რომელიც რამდენიმე დღეში უნდა გაიმართოს.
„გადაწყვეტილებას ამ შეხვედრაზე ბუნებრივია ჩვენ ვერ მივიღებდით. ეს შეხვედრა იყო ჩემსა და ერთ ფრაქციას შორის, შესაბამისად გადაწყვეტილებას საკრებულოს უმრავლესობა იღებს. თუ მოხერხდა და მე იმედს ვიტოვებ, რომ მოხერხდება უმრავლესობის მობილიზირება ამ კონკრეტულ საკითხთან დაკავშირებით რომელზეც ჩვენ ახლა ვსაუბრობდით, მაშინ გადაწყვეტილება, ბუნებრივია იქნება მიღებული", _ განაცხადა ქალაქის მერმა გიგი უგულავამ.