დავით სერგეენკომ სამინისტროს ერთ წლიანი მუშაობა შეაჯამა. როგორც მთავრობის სხდომის დაწყებამდე ჯანდაცვის მინისტრმა ჟურნალისტებთან განმარტა მისმა უწყებამ მიმდინარე ერთი წლის განმავლობაში მნიშვნელოვანი რეფორმები განახორციელა, თუმცა კვლავ მოუგვარებელი რჩება რამდენიმე საკითხი, როგორიცაა დასაქმება და ტერიტორიული მთლიაონის აღდგენა.
„ერთი წლის საქმიანობის შეფასება, მარტივი არ არის. საქართველო გადავიდა საყოველთაო ჯანდაცვის პროგრამაზე, რომლის ფუფუნებაც მსოფლიოს 33 ქვეყანას აქვს. გაორმაგდა სოციალური დახმარება, გაიზარდა პენსია 110დან 150 ლარამდე", - განაცხადა ჟურნალისტებთან სერგეენკომ.
