1 ოქტომბერს, ხანდაზმულთა საერთაშორისო დღესთან დაკავშირებით „ჩემი ოჯახის კლინიკამ" და აჭარის ჯანდაცვის სამინისტრომ მორიგი ერთობლივი აქცია გამართეს.
ბათუმის რეფერალური საავადმყოფოს მაღალკვალიფიციურმა მედპერსონალმა და აჭარის ჯანდაცვის სამინისტროს წარმომადგენლებმა ბათუმის მოხუცებულთა თავშესაფარში ხანდაზმულები მოინახულეს.
„ჩემი ოჯახის კლინიკის" წარმომადგენლებმა საჩუქრებთან ერთად მოხუცებულებს საჭირო მედიკამენტებიც გადასცეს.
„ჩემი ოჯახის კლინიკის" წარმომადგენლები ბათუმის მოხუცებულთა თავშესაფარს ორი თვის წინ ესტუმრნენ და საქველმოქმედო აქციის ფარგლებში ხანდაზმულებს უფასო გამოკვლევები ჩაუტარეს.
მსოფლიო პირველ ოქტომბერს ხანდაზმულ ადამიანთა საერთაშორისო დღეს აღნიშნავს. 1990 წელს, ხანდაზმულთა პრობლემებისადმი მიძღვნილმა გაეროს მსოფლიო ასამბლეამ 1 ოქტომბერი ხანდაზმულთა საერთაშორისო დღედ გამოაცხადა.