"მივმართავთ უკრაინული პროექტის „მისია სტუდენტის" შერჩეული მოსწავლეების მშობლებს. აღნიშნულ პროექტში დავითიანნმა მონაწილეობა მიიღო უკრაინული მხარის შემოთავაზებით. დავითიანნი, თავის მხრივ, მოკლე დროში, შეეხმიანა საჯარო სკოლებს და თბილისის შესარჩევ ტურს გაუწია სრული ორგანიზება. პირველი ეტაპის ტესტირება გაიმართა დავითიანნის ოფისში და დავითიანნის შუამდგომლობით, პროექტში მონაწილეობისთვის, გამოვლინდნენ ახალგაზრდები. უკრაინულ მხარესთან მოლაპარაკების პროცესში დავითიანნი საკუთარ საქმიანობას და პროექტში მონაწილეობის პასუხისმგებლობას ამთავრებდა, საქართველოში მონაწილეების გამოვლენით. უკრაინაში მოსწავლეების გამგზავრებაზე პასუხისმგებლობა დავითიანნს აღარ ეკისრებოდა. სამწუხაროდ ჩვენთვის ხელმისაწვდომი ვერ ხდება პროექტში მონაწილე მოზარდების კოორდინატები, რომ შევეხმიანოთ და საქმის კურსში ჩავაყენოთ პასუხისმგებლობებთან დაკავშირებით. დავითიანნის სასკოლო პროგრამების ხელმძღვანელს დაუკავშირდა რამოდენიმე მშობელი და უკრაინაში გამგზავრების გარანტიებზე გარკვევა სცადა. აქედან გამომდინარე, თავს ვალდებულად ვთვლით ამ კონკრეტულ საკითხებთან მიმართებაში, უკრაინულ პროექტში მონაწილე არასრულწლოვანი ახალგაზრდების მშობლები საქმის კურსში ჩავაყენოთ. მივმართავთ უკრაინულ პროექტ „მისია-სტუდენტში" მონაწილეობისთვის შერჩეული მოზარდების მშობლებს, - დავითიანნს არ გააჩნია არანაირი პასუხისმგებლობა უკრაინაში კონკურსის მონაწილეებზე, ჩვენი აღნიშნულ პროექტში მონაწილეობა შემოიფარგლებოდა მხოლოდ საქართველოში შესარჩევი კონკურსის ჩატარების ორგანიზებით,"- ნათქვამია განცხადებაში.