"ქართული მედიის წარმომადგენლების მიერ გამართული აქციები სწორედ ისეთი საზოგადოებრივი აქტიურობაა, რომელიც საერთაშორისო საზოგადოებამ უნდა დაინახოს,"- ამის შესახებ საქართველოს თავდაცვის მინისტრმა ირაკლი ალასანიამ TV-3-ის გადაცემა "დიდი პოლიტიკის" ეთერში სტუმრობისას განაცხადა.
ალასანიას თქმით, "საქართველოს მთავრობის მხრიდან გადადგმული დიპლომატიური ნაბიჯები ნამდვილად შეძლებს იმას, რომ ისედაც რთული ვითარება სოფელ დვანში და ზოგადად, მთელს საოკუპაციო ხაზზე კიდევ უფრო არ გართულდეს".
"დიდი პოლიტიკური გადმოსახედიდან უნდა შევხედოთ ამას და გენერალიზაცია უნდა გავაკეთოთ, თუ რა მიზანს ისახავს ჩვენი მოწინააღმდეგე. ჩვენი მოწინააღმდეგე ისახავს მიზანს, რომ იგივე, ვილნიუსის სამიტამდე, სადაც წყდება და პრაქტიკულად გადაწყვეტილია, რომ საქართველო მოახდენს ასოცირების შეთანხმების პარაფირებას. მომავალი წლის ნატო-ს სამიტისთვის საქართველოს აქვს რომ არ გვქონია იმაზე მეტი შანსები კიდევ დიდი ნაბიჯი გადადგას ნატო-სთან დაახლოვების კუთხით. ეს იქნება მაპ- თუ სხვა ინსტრუმენტი, ამას ბუნებრივია, უახლოესი პერიოდი განსაზღვრავს. ყველა წინაპირობაა იმის, რომ ნატო ჩვენთან დაახლოვებისთვის სერიოზულ ნაბიჯს გადადგამს. აქვე აღსანიშნავია, რომ საქართველოს შეიარაღებული ძალები ნატო-ს სწრაფი რეაგირების ჯარების ნაწილი გახდება 2015 წლიდან. სწორედ ასეთი მაღალი დინამიკა რომ დაინახა ჩვენმა მოწინააღმდეგემ ამ ინტეგრაციულ პროცესებში, მათ უნდატ საქართველო შეუმდგარ ქვეყანად წარმოაჩინონ. მათ უნდათ საქაღთველო ისეთ ქვეყანად წარმოჩინონ, რომელიც ასეთ ვნებათა ღელვას აყვება და სახელმწიფოებრივ ინტერესებს გადააყოლებს,"- განაცხადა ირაკლი ალასანიამ
შეგახსენებთ, რომ 28 სექტემბერს ქართული მედიასაშუალებების წარმომადგენლებმა სოფელ დვანში რუსული ოკუპაციის წინააღმდეგ მასშტაბური საპროტესტო აქცია გამართეს.
