ხვალ. 1-ელ ოქტომბერს „საქართველოს სტრატეგიული კვლევების ინსტიტუტი" (GISS) 10:00-ზე, სასტუმრო ,,ქორთიარდ მარიოტში", საქართველოს სამთავრობო უწყებების, ადგილობრივი და საერთაშორისო ორგანიზაციების წარმომადგენლებისა და საექსპერტო საზოგადოების მონაწილეობით, მართავს მრგვალ მაგიდას თემაზე: „ევროკავშირთან ვიზების ლიბერალიზაციის პროცესი და მასთან დაკავშირებული გამოწვევები" .
მედიის წარმომადგენლებს საშუალება ექნებათ დაესწრონ მრგვალი მაგიდის გახსნას. რგვალი მაგიდის მიზანია, აღნიშნული თემაზე ხელისუფლებასა და არასმთავრობო სექტორს შორის დიალოგის გააქტიურება და მის გარშემო თანამშრომლობის პლატფორმის ჩამოყალიბება.
შეხვედრას დაესწრებიან და სიტყვით გამოვლენ „საქართველოს სტრატეგიული კვლევების ინსტიტუტი"-ის პრეზიდენტი ეკატერინე ტყეშელაშვილი; საგარეო საქმეთა მინისტრის მოადგილე თამარ ბერუჩაშვილი; იუსტიციის მინისტრის მოადგილე გოჩა ლორთქიფანიძე; ევროკავშირის ელჩი საქართველოში ფილიპ დიმიტროვი; ლიტვის ელჩი საქართველოში იონას პასლაუსკასი; ევროპული სტაბილურობის ინიციატივის გერალდ კნაუსი, რომელიც მოწვეულ სტუმრებს გაუზიარებს სხვა ქვეყნების გამოცდილებას ევროკავშირთან ვიზების ლიბერალიზაციის სამოქმედო გეგმის განხორციელებასთან დაკავშირებით.
შეგახსენებთ, რომ სტრატეგიული კვლევების ინსტიტუტი" არის კვლევითი ორგანიზაცია (თჰინკ თანკ), რომლის მიზანია ევროკავშირთან დაახლოების, უსაფრთხოების, კონფლიქტის გადაწყვეტის, საგარეო ურთიერთობების, რეგიონალური პოლიტიკის საკითხების ანალიზი, გაშუქება და კვლევა.
„საქართველოს სტრატეგიული კვლევების ინსტიტუტი"-ს დამფუძნებლები არიან საქართველოს ყოფილი ვიცე-პრემიერი, რეინტეგრაციის საკითხებში ყოფილი სახელმწიფო მინისტრი ეკა ტყეშელაშვილი, საქართველოს ევროპულ და ევროატლანტიკურ სტრუქტურებში ინტეგრაციის ყოფილი მინისტრი თორნიკე გორდაძე, რეინტეგრაციის საკითხებში სახელმწიფო მინისტრის ყოფილი მოადგილე ირაკლი ფორჩხიძე და ილიას სახელმწიფო უნივერსიტეტის პოლიტიკურ-მეცნიერებათა პროფესორი დავით აფრასიძე.
