"ძალიან სერიოზული შეცდომა დაუშვით ჩემი მეგობრის, ვასილი ლიხაჩოვის ქვეყანაში არშეშვებით,"- ამის შესახებ ევროსაბჭოში რუსეთის ფედერაციის დელეგაციის წევრმა ლეონიდ სლუცკიმ ჟურნალისტებთან საუბრისას განაცხადა.
"დროა დავასრულოთ ერთმანეთთან სანქციების ენით საუბარი. ასე ხომ შეიძლება, ძალიან ღრმად შევტოპოთ?! პარლამენტის დიპლომატია ყოველთვის გაივლის იქ, სადაც ოფიციალური ვერაფერს გახდება. ძალიან სერიოზული შეცდომა დაუშვით ჩემი მეგობრის, ვასილი ლიხაჩოვის ქვეყანაში არშეშვებით. ასეთი ფორმალური მიზეზით მისი საქართველოს ტერიტორაზე არშეშვება არის შეცდომა. დარწმუნებული ვარ, ჩვენ ურთიერთობებში დათბობა დაიწყო, ამიტომ სანქციები არ არის საჭირო. კანონი არ არის დოგმა. არსებობს რეალური სიტუაციები, როდესაც კანონიდან გამომდინარე არ უნდა ვუყუროთ მოვლენებს, არამედ ყველაფერი უნდა შევაფასოთ ჩვენი ურთიერთობებიდან გამომდინარე," - განაცხადა ლეონიდ სლუცკიმ.
დღესვე ცნობილი გახდა, რომ ევროსაბჭოში რუსეთის დელეგაცია ქართული მხარისთვის სანქციების დაწესებას ითხოვს. აღნიშნული საკითხი ევროსაბჭოს ბიუროს სხდომაზე დელეგაციის ხელმძღვანელმა ალექსეი პუშკოვმა დააყენა.
რუსეთის დელეგაციის მოთხოვნის მიზეზი დელეგაციის ერთ-ერთი წევრის ვასილი ლიხაჩოვის საქართველოში შემოსვლასა და ევროსაბჭოს მონიტორინგის ჯგუფში მონაწილეობაზე უარის თქმა გახდა, რის მიზეზადაც "ოკუპირებული ტერიტორიების შესახებ" კანონის დარღვევა დასახელდა.
მასალის გამოყენების პირობები