თბილისის მერიასთან მიმდინარე საპროტესტო აქციის მონაწილე ერთ-ერთმა მამაკაცმა თავის დაწვა სცადა, თუმცა მას ცეცხლის მოკიდების საშუალება აქციის მონაწილეებმა და მერიის დაცვის სამსახურის თანამშრომლებმა არ მისცეს.
ამასთან, დედაქალაქის მერიასთან მიმდინარე აქციისას სიტყვიერი შელაპარაკება მოხდა მერიის დაცვის თანამშრომლებსა და მომიტინგეებს შორისაც, რადგან მათ შენობაში გვირგვინის შეტანის საშუალება არ მისცეს.
საპროტესტო აქციაზე მცირე ინციდენტიც მოხდა. აქციის მონაწილე ერთ-ერთ მამაკაცს ეპილეფსიური შეტევა დაემართა, თუმცა მას გადაუდებელი სამედიცინო დახმარება ადგლზე აღმოუჩინეს და პაციენტის სამკურნალო დაწესებულებაში გადაწყვანა არ გახდა საწირო.
ცნობისთვის, თბილისის მერიასთან იპოთეკით დაზარალებულები, დევნილები, სოციალურად დაუცველები, ვეტერანები და უსახლკარო ადამიანები საპროტესტქო აქციას მართავენ და საბინაო ფონდის შექმნას და უსახლკაროს სტატუსის შემოღებას ითხოვენ.
