საქართველო წელს პირველად დაესწრო აშშ-ადრიატიკისა და აშშ- ბალტიის ქვეყნების ქარტიას, რომელიც ნიუ-იორკში გაეროს გენერალური ასაბლეის 68-ე სესიის პარალელურად შეიკრიბა. ქარტია ამ ქვეყნების ნატო-ში ინტეგრაციის ხელშეწყობის მიზნით შეიქმნა და დღემდე ჩრდილოატლანტიკური ალიანსის საკითხებზე მნიშვნელოვან ფორუმს წარმოადგენს.
სერბეთთან და კოსოვოსთან ერთად, მიმდინარე წელს საქართველოს ქარტიის დამკვირვებლის სტატუსი მიენიჭა. ნიუ-იორკში გამართულ შეხვედრას ქარტიის წევრი ქვეყნების საგარეო საქმეთა მინისტრები, ამერიკის შეერთებული შტატების სახელმწიფო დეპარტამენტის წარმომადგენლები, საქრთველოს მხრიდან საგარეო საქმეთა მინისტრი მაია ფანჯიკიძე და ამერიკის შეერთებულ შტატებში საქართველოს ელჩი არჩილ გეგეშიძე ესწრებოდნენ.
შეხვედრაზე განიხილეს ნატოში ინტეგრაციის გზაზე ასპირანტი ქვეყნების პერსპექტივები. ქარტიის წევრი სახელმწიფოების მხრიდან გამოითქვა მათი მხარდაჭერა ასპირანტი ქვეყნების ნატო-ში გაწევრიანების გზაზე.
„ქარტია აერთიანებს ნატო-ს წვერ ქვეყენებს, რომლებსაც თავის დროზე აშშ-მ მხარდაჭერა აღმოუჩინა, რომ მათი გაწევრიანება ნატოში მომხდარიყო დაჩქარებულად, ახლა კი ეს ქვეყნები ეხმარებიან სხვა ასპირანტ ქვეყნებს, თავინთი გამოცდილებით, ავტორიტეტით და სტატუსით. ისინი დაინტერესებულნი არიან ნატოში ბალკანეთის ქვეყნისა და საქართველოს გაწევრიანებით.
„ეს არის კიდევ ერთი მნიშვნელოვანი ფორუმი, სადაც საქართველო თანაბარ პირობებში მონაწილეობას სხვა ასპირანტ ქვეყნებთან ერთად. ეს გახლავთ კიდევ ერთი ასპარეზი, სადაც შეგვიძლია წარმოვაჩინოთ ჩვენი მისწრაფება ნატოსკენ. ეს ფორმატი დაეხმარება საქართველოს ამ გზის სწრაფად და ეფექტრად გავლაში", -აღნიშნა აშშ-ში საქართველოს ელჩმა არჩილ გეგეშიძემ.
ქარტიის შეხვედრაზე განისაზღვრა მომდევნო შეკრების თარიღიც, აშშ-ადრიატიკისა და აშშ-ბალტიის ქარტიის წევრი ქვეყნები 2014 წლის აპრილში ვილნიუსში შეიკრიბებიან.
