პრემიერ-მინისტრმა ბიძინა ივანიშვილმა მთავრობის წევრებთან ერთად გმირთა მემორიალი გვირგვინით შეამკო. როგორც ივანიშვილმა ჟურნალისტებთან განაცხადა 27 სექტემბერს ქართველებმა და აფხაზებმა უდიდესი დანაკლისი განიცადეს.
,, 20 წელი გავიდა სოხუმის დაცემის ტრაგიკული თარიღიდან, რომელიც ჩვენმა ქვეყანამ 1993 წლის 27 სექტემბერს გადაიტანა. ეს დიდი ტრაგედია იყო ჩვენი ქვეყნის ისტორიაში. ეს დღე ომის დამღუპველ შედეგებს გვახსენებს _მოსახლეობის დევნას, უსახლკარობას. ქართველებმა და აფხაზებმა ამ ომში უდიდესი დანაკლისი განვიცადეთ. დაღუპულებს ვერავინ დაგვიბრუნებს. ძალიან დიდია ხვედრია დევნილი მოსახლეობის. ჩვენ ყველაფერს ვაკეთებთ და გავაკეთებთ იმისთვის, რომ მათ ღირსეულად ცხოვრება შეძლონ ჩვენს ქვეყანაში, ღირსეული ინტეგრაცია მოხდინონ ახალ პირობებში", _განაცხადა ივანიშვილმა.
