ეროვნულ-დემოკრატიული ინსტიტუტის კვლევის თანახმად, გამოკითხულთა უმრავლესობა მინისტრებს შორის ყველაზე უკეთ ირაკლი ალასანიას საქმიანობას აფასებს. NDI-ის კითხავაზე, როგორ შეფასებთ შემდეგი მინისტრების საქმიანობას რესპონდენტთა უმრავლესობა ყველაზე უკეთ თავდაცვის მინისტრის ირაკლი ალასანიას საქმიანობას აფასებს. კერძოდ, რესპონდენტთა 11% ირაკლი ალასანიას საქმიანობას ძალიან კარგად, 38% კარგად, 37% კი საშუალოდ აფასებს, მეორე პოზიციაზე იმყოფება შს მინისტრი ირაკლი ღარიბაშვილი. მის საქმიანობას გამოკითხულთა 9% ძალიან კარგად, 34% კარგად, ხოლო 39 % საშუალოდ აფასებს, რაც შეეხება მესამე ადგილს მას იუსტიციის მინისტრი თეა წულუკიანი იკავებს. წულუკიანის საქმიანობას რესპონდენტთა 10% ძალიან კარგად, 33 % კარგად, ხოლო 36% საშუალოდ აფასებს.
შეგახსენებთ, რომ NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგელობითი შერჩევის საფუძველზე 3 838 ადამიანი გამოიკითხა. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს კავკასიის კვლევითი რესურსების ცენტრი (CRRC).
დელეგაციამ დარბაზი პროტესტის ნიშნად დატოვა.