"როგორც ჩანს, სააკაშვილმა გააცნობიერა, რომ საერთაშორისო ტრიბუნა შიდაპოლიტიკურ საკითხებზე სასაუბრო ადგილი არაა,"- ამის შესახებ პარლამენტის ადამიანის უფლებათა დაცვის კომიტეტის თავმჯდომარემ ეკა ბესელიამ საქართველოს პრეზიდენტის მიხეილ სააკაშვილის გაეროს გენერალური ასამბლეის რიგით 68-ე სესიაზე პრეზიდენტის რანგში ბოლოჯერ სიტყვით გამოსვლის შეფასებისას ისაუბრა.
"როგორც ჩანს, მიხეილ სააკაშვილმა გააცნობიერა, რომ ამ საერთაშორისო ტრიბუნიდან შიდა დაპირისპირების თუ მისი შიდა განწყობების დემონსტრირებისთვის არ იყო საუკეთესო ადგილი და სივრცე და ამიტომ, კარგია, რომ ნაკლები ყურადღება დაუთმო. კარგია, რომ ამაზე როგორც წესი, თავისი ჩვეული რიტორიკით არ გააგრძელა საუბარი. მთავარი აქცენტი, რომელიც უნდა დასმულიყო და რომელიც დაისვა, ეს არის ჩვენი ქვეყნის და ჩვენი ხელისუფლების საგარეო კურსი, რომელიც არის უცვლელი და ის საფრთხეები, როლებიც არსებობს ჩვენი რეალობიდან გამომდინარე,"- განაცხადა ეკა ბესელიამ.
შეგახსენებთ, რომ გუშინ, ნიუ იორკის დროით 18:00 საათზე საქართველოს პრეზიდენტი მიხეილ სააკაშვილი გაეროს გენერალური ასამბლეის რიგით 68-ე სესიაზე სიტყვით გამოვიდა და ქვეყნის საგარეო და საშინაო პოლიტიკის საკითხებზე, ასევე საგარეო საფრთხეებზე და საქართველოსადმი რუსეთის დამოკიდებულებაზე ვრცლად ისაუბრა. მიხეილ სააკაშვილის სიტყვით გამოსვლისას რუსეთის ფედერაციის დელეგაციამ დარბაზი პროტესტის ნიშნად დატოვა.
