ეროვნულ-დემოკრატიული ინსტიტუტის კვლევის თანახმად, გამოკითხულთა 42% ყველაზე ძლიერ ოპოზიციურ პარტიად ,,ნაციონალურ მოძრაობას" მიიჩნევს, ხოლო გამოკითხულთა 8%-s ყველაზე ძლიერ ოპოზიციურ პარტიად ,,დემოკრატიული მოძრაობა-ერთიანი საქართველო" მიაჩნია, რაც შეეხება ,,ლეიბორისტულ პარტიას" მას გამოკითხულთა 3% მიიჩნევს ყველაზე ძლიერ ოპოზიციურ პარტიად.
რაც შეეხება NDI-ის შეკითხვას ,, რამდენად მნიშვნელოვანი, ან უმნიშვნელოა ქვეყანაში ძლიერი ოპოზიციური პარტიის არსებობა?" გამოკითხულთა 26%-ს მიაჩნია, რომ ძალიან მნიშვნელოვანია, 55%-ს მნიშვნელოვანია, ხოლო 3%-ის აზრით ძლიერი ოპოზიციური პარტიის არსებობა უმნიშვნელოა.
შეგახსენებთ, რომ NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგელობითი შერჩევის საფუძველზე 3 838 ადამიანი გამოიკითხა. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს კავკასიის კვლევითი რესურსების ცენტრი (CRRC).
