საქართველოს პრემიერ-მინისტრის ბიძინა ივანიშვილის განცხადებით, მთავარი პროკურორის მოადგილე ლაშა ნაცვლიშვილი ხშირად წყვეტს ისეთ საკითხებს, რომლებიც არჩილ კბილაშვილის გადასაწყვეტია, მაგრამ ეს პრობლემა არ არის.
ამასთან, ივანიშვილის თქმით, ლაშა ნაცვლიშვილის წინააღმდეგ უსაფუძვლო ბრალდებებია აგორებული და მისი პიროვნების და იმიჯის დისკრედიტაცია ხდება, რადგან ნაცვლიშვილს არც კგბ-სთან უთანამშრომლია და არც საბჭოთა კავშირის გენერალი ყფილა.
"კარგი ადამიანობა და გულწრფელობა სტრუქტურის მართვას ხშირად არ შველის. აჩიკოს არ აკლია არც ერთი, არც მეორე და არც მესამე. ძალიან კარგი ბიჭია, მაგრამ გამოცდილება, რომ ადვოკატი პროკურატურის უფროსად მიდის, რთულია. რაც შეეხება ლაშა ნაცვლიშვილსა და არჩილ კბილაშვილს შორის კონფქლიტს, კონფლიქტი არ არსებობს. ლაშა არის გამოცდილი. იგი არის ნიჭიერი ინტელექტუალი კაცი, აჩიკოს ის მხარში უდგას. არჩილ კბილაშვილი ამერიკელებსაც მოსწონთ ევროპელებსაც მოსწონთ. ლაშა უფრო პრაქტიკულია და მეტი გამოცდილება აქვს. ხშირად წყვეტს ის იმას, რაც არის კბილაშვილის გადასაწყვეტი, მაგრამ ასეთი კაზუსები შეიძლება იყოს , მაგრამ ეს არ არის დიდი პრობლემა," - განაცხადა ბიძინა ივანიშვილმა.