2013 წლის 25 სექტემბერს საპრეზიდენტო კანდიდატმა ნინო ბურჯანაძემ მომაწილეობა მიიღო გლობალური უსაფრთხოების კონფერენციაზე, რომელიც საერთაშორისო უსაფრთხოებასა და ტერორიზმს უკავშირდებოდა.
„დემოკრატიული მოძრაობის" ლიდერის გამოსვლა ეხებოდა კავკასიის რეგიონში უსაფრთხოების საკითხებსა და საქართველოს როლს ამ საკითხებში. გამოსვლაში, ნინო ბურჯანაძემ აღნიშნა, რომ საქართველო უნდა ჩამოყალიბდეს საერთაშორისო ურთიერთობათა სისტემის სუბიექტად და არა მხოლოდ ობიექტად. მან აგრეთვე ხაზი გაუსვა იმას, რომ საქართველოს სჭირდება ქვეყნის ეროვნულ ინტერესებზე დამყარებული პრევენციული ხასიათის საგარეო პოლიტიკა, რომლის საშუალებითაც შესაძლებელია მივაღწიოთ მიზანს: ერთიან, დემოკრატიულ და ეკონომიკურად განვითარებულ საქართველოს და მშვიდობიან კავკასიას.
საპრეზიდენტო კანდიდატმა სიტყვით გამოსვლის შემდეგ კონფერენციის მონაწილე უცხოელი ექსპერტებისა და ჟურნალისტების კითხვებს უპასუხა.
მასალის გამოყენების პირობები