თბილისის საკრებულოში ფრაქცია „დედაქალაქმა" პრესკონფერენცია გამართა, სადაც ფრაქციის წევრებმა კოკი იონათამიშვილმა, ბესო ბენდელიანმა და მამუკა კაციტაძემ ისაუბრეს თბილისელების წინაშე მდგარი პრობლემატური საკითხების შესახებ.
განსაკუთრებული ყურადღება მიექცა ბინათმესაკუთრეთა ამხანაგობების, ავარიული სახლების, საზოგადოებრივი ტრანსპორტის გარშემო არსებულ ვითარებას. აღინიშნა, რომ საკრებულოს წევრების და მერიის წარმომადგენლების ხშირ შემთხვევაში განსხვავებული მიდგომები აზიანებს თბილისელების ინტერესებს და ხელს უშლის თბილისელებისთვის აქტუალური საკითხების მოგვარებას.
ფრაქციის წევრების აზრით, აუცილებულია საკრებულოს წევრების და თბილისის მთავრობის ეფექტური და ინტენსიური თანამშრომლობა, რომლის ერთადერთი მიზანი, სწორედ ამ საკითხების გადაწყვეტა იქნება.
ამ მიზნით ფრაქციამ აუცილებლად მიიჩნია, ფრაქციის მომდევნო სხდომაზე, რომელიც 30 სექტემბერს, 11:00 საათზე გაიართება ქალაქის მერის, გიგი უგულავას მონაწილეობა.
ფრაქცია „დედაქალაქმა" თბილისის მერს უკვე გადაუგზავნა ოფიციალური წერილი მისი საკრებულოში, ფრაქციის სხდომაზე მოწვევის შესახებ.
