თბილისის მერი გიგი უგულავა არ გამორიცხავს, რომ მას დააპატიმრებენ. როგორც უგულავამ TV-3-ის ეთერში სტუმრობისას აღნიშნა, "ყველაფერია შესაძლებელი და თუ სასამართლო გადაყვეტს, რომ მის მიმართ წაყენებულ ბრალდებებში მისი დამნაშავეობა დადასტურდა, მაშინ იგი თვალს გაუსწორებს იმ სასჯელს, რომელსაც სასამართლო დააკისრებს, წინააღმდეგ შემთხვევაში კი, პროკურატურას მოუწევს ბოდიშის მოხდა".
"გამორიცხვით არაფრის გამორიცხვა არ შეიძლეა. მიდის სასამართლო პროცესი. მხარეები წარმოადგენენ თავიანთ მტკიცებულებებს და სასამართლოს გადასაწყვეტია. მიუხედავად იმისა, რომ ვარ ბრალდებული, აქვე ვაცხადებ, რომ არ მივეკუთვნები იმ ადამიანების და პოლიტიკოსების კატეგორიას, რომლებიც დაიწყებენ ლაპარაკს, რომ სასამართლო მიკერძოებულია. ბრალდებას აქვს ძალიან ბევრი ლაფსუსი, ყველაფერს რომ თავი დავანებოთ, ჯოზეფ ქეი მთავარი მოწმეა. შეუიარაღებელი თვალითაც ჩანს, რომ როდესაც ეს საქმე "შეიკერა", პროკურატურას და ქეის შორის გარიგება იყო დადებული. ჩემს საქმეებთან დაკავშირებით არავისთან გარიგებაში და ვაჭრობაში შესვლას არ ვაპირებ და არც განზრახვა მქონია მსგავსი,"- განაცხადა გიგი უგულავამ.
