NDI-ს მიერ 2013 წლის სექტემბერში ჩატარებული საზოგადოებრივი აზრის კვლევის შედეგების მიხედვით, გამოკითხულთა 70%-ს საქართველოს ამჟამინდელი ურთიერთობა რუსეთთან არ მოსწონს.
აღნიშნული კვლევის მონაწილეთა 23%-სთვის საქართველოს ამჟამინდელი ურთიერთობა რუსეთთან მოსაწონია, ხოლო რესპოდენტთა 6%-ს კითხვაზე პასუხი არ აქვს.
NDI-მ საზოგადოებრივი აზრის კვლევა მიმდინარე წლის 18 აგვისტო - 3 სექტემბრის პერიოდში ჩაატარა და მასში მონაწილეობა მთელი ქვეყნის მასშტაბით შერჩეულმა 3 838-მა რესპოდენტმა მიიღო.
