NDI-ს მიერ 2013 წლის სექტემბერში ჩატარებული საზოგადოებრივი აზრის კვლევის შედეგების მიხედვით, გამოკითხულთა 51% ეთანხმება კონსტიტუციიდან იმ მუხლის ამოღებას, რომლის მიხედვითაც პარლამენტის ადგილსამყოფელია ქალაქი ქუთაისი.
აღნიშნული კვლევის მონაწილეთა 28%-ის აზრით, ქვეყნის უმაღლესი საკანონმდებლო ორგანოს ქუთაისში ფუნქციონირება კონსტიტუციურად უნდა იყოს განსაზღვრული, ხოლო გამოკითხულთა 20%-ს კი, კითხვაზე პასუხი არ აქვს.
NDI-მ საზოგადოებრივი აზრის კვლევა მიმდინარე წლის 18 აგვისტო - 3 სექტემბრის პერიოდში ჩაატარა და მასში მონაწილეობა მთელი ქვეყნის მასშტაბით შერჩეულმა 3 838-მა რესპოდენტმა მიიღო.
