NDI-ს მიერ 2013 წლის სექტემბერში ჩატარებული საზოგადოებრივი აზრის კვლევის შედეგების მიხედვით, გამოკითხულთა 37% სექსუალური უმცირესობის წარმომადგენელთა უფლებების დაცვას სრულიად უმნიშვნელოდ მიიჩნევს.
ამავე კვლევის მონაწილეთა 13%ის აზრით, სექსუალური უმცირესობის წარმომადგენელთა უფლებების დაცვა მნიშვნელოვანია, ხოლო 2%-ის აზრით კი, ძალიან მნიშვნელოვანი.
აღნიშნული კვლევის მონაწილეების 41% რელიგიური უმცირესობების უფლებების დაცვას მნიშვნელოვნად მიიჩნევს, 9% უმნიშვნელოდ, ხოლო 7% კი, სრულიად უმნიშვნელოდ.
NDI-მ საზოგადოებრივი აზრის კვლევა მიმდინარე წლის 18 აგვისტო - 3 სექტემბრის პერიოდში ჩაატარა და მასში მონაწილეობა მთელი ქვეყნის მასშტაბით შერჩეულმა 3 838-მა რესპოდენტმა მიიღო.
