NDI-ს მიერ 2013 წლის სექტემბერში ჩატარებული საზოგადოებრივი აზრის კვლევის შედეგების მიხედვით, გამოკითხულთა 52% მიიჩნევს, რომ უმცირესობების უფლებების დაცვა ქვეყნის დემოკრატიული განვითარებისთვის მნიშვნელოვანია.
ამავე კვლევის მონაწილეთა 9%-ის აზრით, ქვეყნის უმცირესობების უფლებების დაცვა დემოკრატიული განვითარებისთვის ძალიან მნიშვნელოვანია, 23%-ს აღნიშნულ საკითხზე ნეიტრალური პოზიცია აქვს, 5% მიიჩნევს, რომ უმცირესობების უფლებების დაცვა დემოკრატიული განვითარებისთვის უმნიშვნელოა, ხოლო 2%-ის აზრით კი, უმცირესობების უფლებების დაცვა ქვეყნის დემოკრატიული განვითარებისთვის სრულიად უმნიშვნელოა.
NDI-მ საზოგადოებრივი აზრის კვლევა მიმდინარე წლის 18 აგვისტო - 3 სექტემბრის პერიოდში ჩაატარა და მასში მონაწილეობა მთელი ქვეყნის მასშტაბით შერჩეულმა 3 838-მა რესპოდენტმა მიიღო.
