NDI-ს მიერ 2013 წლის სექტემბერში ჩატარებული საზოგადოებრივი აზრის კვლევის შედეგების მიხედვით, გამოკითხულთა 47% ტელეკომპანია "რუსთავი 2"-ს "ნაციონალური მოძრაობის" ინტერესების გამტარებლად მიიჩნევს, 3% კი, ფიქრობს, რომ აღნიშნული ტელეკოპანიის გადაცემები "ქართული ოცნების" ინტერესებს ატარებს.
ამავე კვლევის თანახმად, გამოკითხულთა 52% ტელეკომპანია "იმედს" არაც ერთი პოლიტიკური ძალის ინტერესის გამტარებლად არ მიიჩნევს. "ქართული ოცნების" ინეტერესების გამტარებლად თვლის 14%. რესპოდენტთა 6% კი, მიიჩნვს, რომ ტელეკომპანია "იმედი" "ნაციონალური მოძრაობის" ინტერესებს ატარებს.
ამავე კვლევის მონაწილე რესპოდენტთა 31% თვლის, რომ ტელეკომპანია "მაესტრო" "ქართული ოცნების" ინტერესებს გამოხატავს.
აღნიშნული საზოგადოებრივი აზრის კვლევის მონაწილეთა 18% "საზოგადოებრივ მაუწყებელს" "ნაციონალური მოძრაობის" ინტერესების გამომხატველად მიიჩნევს, 3% კი, "ქართული ოცნების" ინტერესების გამტარებლად.
NDI-მ საზოგადოებრივი აზრის კვლევა მიმდინარე წლის 18 აგვისტო - 3 სექტემბრის პერიოდში ჩაატარა და მასში მონაწილეობა მთელი ქვეყნის მასშტაბით შერჩეულმა 3 838-მა რესპოდენტმა მიიღო.
