გარემოს ეროვნული სააგენტოს ამინდის მოკლევადიანი პროგნოზების განყოფილების უფროსის მოადგილის ლია კაკიაშვილის განცხადებით, მომდევნო რამდენიმე დღის განმავლობაში დასავლეთ და აღმოსავლეთ საქართველოს ზოგიერთ რაიონში სეტყვაცაა მოსალოდნელი.

"დღეს, დღის განმავლობაში საქართველოს უმეტეს რაიონებში მოსალოდნელია წვიმა ელჭექით, ზოგან ძლიერიც. იქროლებს დასავლეთის ქარი, ზოგან შესაძლებელია, სეტყვაც იყოს. ჰაერის ტემპერატურა დაიკლებს და დასავლეთ საქართველოს დაბლობში 16 - 21 გრადუსის ფარგლებშია მოსალოდნელი. აღმოსავლეთ საქართველოს ბარში კი, 20 - 25 გრადუდის ფარგლებში იქნება ჰაერის ტემპერატურა. ხვალიდან წვიმების ინტენსივობა შედარებით იკლებს, თუმცა დროგამოშვებით წვიმიანი და გრილი ამინდი საქართველოში 25 სექტემბრის ჩათვლით შენარჩუნდება,"- განაცხადა ლია კაკიაშვილმა.

დასავლეთ და აღმოსავლეთ საქართველოში ჰაერის ტემპერატურის მატება 26 სექტემბრიდანაა ნავარაუდევი.