სეპარატისტული აფხაზეთის ე.წ. გენერალური პროკურატურა იუწყება, რომ სოხუმში რუსი დიპლოლომატისა და მისი მეუღლის მკვლელობაში ეჭვმიტანილი პირის ვინაობა დადგენილია. ეს ადრე ადრე ნასამართლები ქალაქ გროზნოს მცხოვრები 1988 წელს დაბადებული იუსუპ ლაკაევია, რომელიც პატიმრობიდან 2011 წლის 6 მაისს გათავისუფლდა. ლაკაევი უკანონო შეიარაღებული ფორმირებების წევრობაზე იხდიდა სასჯელს.
გამოძიებით დადგენილია, რომ დანაშაულის ჩადენის შემდეგ ლაკაევი შემთხვევის ადგილიდან მიიმალა.
„ქართული მედიის ინფორმაციით, მიმდინარე წლის 13 სექტემბერს ქალაქ ბათუმში პოლიციის თანამშრომლებთან ურთიერთსროლის შედეგად ის დაიჭრა და დაკავებულ იქნა", _ იუწყება აფხაზეთის ე.წ. გენერალური პროკურატურის პრესსამსახური.
