მალე საქართველოს პირველი პრეზიდენტის ოჯახი, სახელმწიფოსგან სიმბოლურ ფასად, წყნეთში განთავსებულ მიწის ნაკვეთსა და მასზე დამაგრებულ აგარაკს მიიღებს.დღეს მთავრობას უნდა განეხილა განკარგულების პროექტი „სახელმწიფო საკუთრებაში არსებული უძრავი ქონების მანანა არჩვაძე - გამსახურდიასათვის პირდაპირი მიყიდვის ფორმით პრივატიზების შესახებ", თუმცა აღნიშნული საკითხის განხილვა შემდგომი სხდომისთვის გადაიდო. თავად პროექტი კი მანანა არჩვაძე-გამსახურდიასათვის წყნეთში 4500 კვ/მ მიწის ნაკვეთისა და აგარაკის გადაცემას გულისხმობს.
თუმცა ვიდრე საქართველოს პირველი პრეზიდენტის ოჯახი აღნიშნული ქონების მფლობელი გახდება, მანამდე აღნიშნულ დოკუმენტს მთავრობის გარდა საქართველოს პრეზიდენტის ნებართვაც სჭირდება.
