2013 წლის 16 სექტემბერს აჭარის ა/რ ჯანმრთელობისა და სოციალური დაცვის მინისტრი, მინისტრის მოადგილეები და სამინისტროს დეპარტამენტების ხელმძღვანელები საავადმყოფოებისა და პირველადი ჯანდაცვის დაწესებულებების ხელმძღვანელებს შეხვდნენ. შეხვედრაზე სამინისტროს სამომავლო გეგმები განიხილებოდა.
მინისტრმა დამსწრე საზოგადოებას მიაწოდა ინფორმაცია სამინისტროს 2014 წლის მიზნობრივი პროგრამების პროექტების შესახებ. „სამედიცინო სფეროს ყველაზე სუსტ რგოლს დღეისათვის პირველადი ჯანდაცვა წარმოადგენს, ამიტომ მომავლისთვის ჩვენ ამ დარგის გაძლიერება გადავწყვიტეთ. 2014 წელს მთაში დასაქმებული პირველადი ჯანდაცვის დაწესებულებების ექიმის ანაზღაურება 300 ლარით გაიზრდება, ბარში დასაქმებულების კი 150 ლარით. იგეგმება აჭარის ჯანდაცვის სამინისტროს და „გაეროს მოსახლეობის ფონდის" ერთობლივი პროექტის განხორციელება, რაც მაღალმთიანი აჭარის პჯდ-ის ექიმებისთვის ავტომანქანების შეძენას ითვალისწინებს. განხორციელდება პჯდ-ის ექიმების პროფესიული გადამზადება". - განაცხადა ნუგზარ სურმანიძემ სამედიცინო დაწესებულებების მენეჯერებთან საუბრისას.
ჯანდაცვის პროგრამებში ბევრი სიახლეა, რაც სახელმწიფო დაზღვევის და საყოველთაო ჯანდაცვის პროგრამებთან ერთად კიდევ უფრო გააფართოებს მოსახლეობისათვის სამედიცინო სერვისების ხელმისაწვდომობას. იგეგმება სქოლიოზით დაავდებული ბავშვებისათვის სარეაბილიტაციო ღონისძიებების დაფინანსება, 70 000-მდე სარეიტინგო ქულის მოქალაქეებისათვის კორონოგრაფიის დაფინანსება და სხვები. მინისტრის თქმით, 2014 წელს მოსალოდნელია სოციალური პროგრამების გაფართოებაც.
სამედიცინო დაწესებულებებისა და პირველადი ჯანდაცვის დაწესებულებების ხელმძღვანელებთან სამინისტროს წარმომადგენელთა შეხვედრა პერიოდულად გაიმართება.