ჟურნალისტები ეკა კვესიტაძე და დავით პაიჭაძე ,,საზოგადოებრივი მაუწყებლიდან" მათ გათავისუფლებას პოლიტიკური ნიშნით ხსნიან. ამის შესახებ ჟურნალისტებმა ერთობლივ პრესკონფერენციაზე განაცხადეს.
კვესიტაძის განცხადებით, მას დღეს დახვდა ბრძანება, რომ სამსახურიდან გათავისუფლებულია.
"თქვენ კარგად გახსოვთ პრემიერის პრესკონფერენცია, როდესაც ის ოპოზიციაში იყო, სადაც მე მაკრიტიკებდა და ამბობდა, რომ როდესაც ხელისუფლებაში მოვიდოდნენ, საზოგადოებრივი მაუწყებლის წარმომადგენლებს ხელფას არ გადაუხდიდნენ, თუ რიტორიკას არ შეიცვლიდნენ", - განაცხადა კვესიტაძემ.
კვესიტაძე ,,საზოგადოებრივი მაუწყებლის" დირექტორის მოვალეობის შემსრულებლის თამაზ ტყემალაძისგან მოითხოვს განმარტებას, თუ რა მოტივით მოხდა მისი გათავისუფლება.
