საქართველოს პირველი ლედი სანდრა ელისაბედ რულოვსი თურქეთის ქალაქ იზმირში მონაწილეობას იღებს მსოფლიო ჯანდაცვის ორგანიზაციის 63-ე რეგიონალურ კონფერენციაზე. ქალბატონი სანდრა, როგორც ამ ორგანიზაციის ევროპის რეგიონის კეთილი ნების ელჩი სიტყვით გამოვიდა მინისტერიალ ლანჩზე, რომლის თემატიკა იყო `ჯანდაცვის სოციალური ფაქტორები". კონფერენცია შეეხება ორგანიზაციის მენეჯმენტისა და რეგიონში საზოგადოებრივი ჯანდაცვის საკითხებს, როგორიცაა ანტიმიკრობული რეზისტენტობა და თამბაქოს კონვენციის განხორციელება, ჯანსაღი კვება, არაგადამდები დაავადებები, ჯანდაცვის საყოველთაო ხელმისაწვდომობა, ფსიქიკური ჯანმრთელობა და სხვა. მას ევროპის 53 ქვეყნის ჯანდაცვის მინისტრი და მათი მოადგილეები ესწრებიან.
სანდრა რულოვსი საქართველოში 19 სექტემბერს დაბრუნდება. ამავე დღეს ის მსოფლიო ჯანდაცვის ორგანიზაციის ევროპის რეგიონულ დირექტორს ჟუჟანა ჯაკაბს და ამ ორგანიზაციის გენერალური დირექტორის მოადგლეს ანარფი ასამოა-ბაჰს შეხვდება.
