ავარიული კორპუსიდან თბილისის მერია მოსახლეობას გაასახლებს - საქმე ეხება იოსებიძის ქუჩაზე 71 ნომერში მდებარე შენობას. ადგილობრივების განცხადებით, დღეს დილით, მიწისძვრის შემდეგ ისედაც ავარიული კორპუსის მდგომარეობა კიდვე უფრო დამძიმდა. კორპუსის მცხოვრებლები სახლის წინ შეიკრიბნენ და აქცია გამართეს. მათ დროებითი საცხოვრებელი ფართით დაკმაყოფილება მოითხოვეს.
ადგილზე საბურთალოს რაიონის გამგეობის წარმომადგენლები იმყოფებოდნენ. კორპუსის მდგომარეობიდან გამომდინარე გადაწყდა, რომ უახლოეს დღეებში კორპუსიდან 15 ოჯახს გაასახლებენ და კორპუსის სარეაბილიტაციო სამუშაოებს დაიწყებენ.
