ახალციხეში სტუმრობისას, სასტუმრო „ლომსიადან" გამოსული საქართველოს პრეზიდენტსა და ადგილობრივ მოსახლეობას შორის ინციდენტო მოხდა. სასტუმროდან გამოსულ პრეზიდენტს, რომელმაც „ლომსიაში" ისადილა. ადგილობრივმა მკვიდრმა სასტუმროს ინგლისურენოვანი წარწერის შესახებ ჰკითხა და განმარტა, რომ იქ ქართული წარწერა უნდა ყოფილიყო.
„რა ქართული? დროშა ვინ შემოიღო?! თქვენ გყავთ ძალები აქ, რომლებიც ხუთჯვრიან დროშას ებრძვიან, როგორ არ ებრძვიან, ძალიან კარგად ებრძვიან ხუთჯვრიან დროშას. ტელევიზორს უყურებთ?! რომ იძახით ჭელაში მინარეთიო, ვის უნდოდა 4 მინარეთის მიშენება, ხომ არ იცით შემთხვევით?! საქართველოს მთავრობას, უკაცრავად! ასე რომ შემდეგ ჯერზე, როცა დაიჯერებთ ტყუილებს ჩვენზე, კარგად მოიკითხეთ რა გეგმები აქვთ. 4 მინირეთის აშენება", - აღნიშნა პრეზიდენტმა.
იმავე პიროვნებამ პრეზიდენტს უფლებების გათანაბრებისკენაც მოუწოდა. „გაათანაბრეთ ხალხის უფლებები აქ", - აღნიშნა მოქალაქემ.
„ყველა თანაბარია. კიდევ ერთხელ, ნაგავში იყო აქაურობა. ნაგავში ცხოვრობდით? ნაგავში ყოფნა გერჩივნათ?!" - უპასუხა პრეზიდენტმა.