16 სექტემბერს, იუსტიციის სამინისტროს საჯარო რეესტრის ეროვნულ სააგენტოს სასწავლო ვიზიტით რუანდის რესპუბლიკის დელეგაცია ეწვია.
ვიზიტის ძირითადი მიზანია საქართველოში მიწის ადმინისტრირების სფეროში გატარებული რეფორმების, ქონების რეგისტრაციის სისტემის ქართული მოდელის, ელექტრონული მომსახურების, ქონებისა და ბიზნესის რეგისტრაციის გამარტივებული პროცედურების გაცნობა.
ვიზიტის ფარგლებში, დელეგაციის წევრები დაათვალიერებენ თბილისის იუსტიციის სახლს (მოქალაქეთა მომსახურების დარბაზს, სკანირების ცენტრს), GEOCORS-ის სისტემის საკონტროლო ცენტრს, სააგენტოს ინფორმაციული ტექნოლოგიების სამსახურის ინფრასტრუქტურას, სარეზერვო სისტემასა და ლილოს არქივს.
დელეგაციის ვიზიტი 19 სექტემბერს დასრულდება.
