ქვეყნის სოციალური და ეკონომიკური განვითარების სტრატეგიის პროექტის საჯარო განხილვა დაიწყო. პირველ განხილვას დღეს ივანე ჯავახიშვილის სახელობის თბილისის სახელმწიფო უნივერსიტეტმა უმასპინძლა და ფინანსთა მინისტრმა ექსპერტებსა და სხვადასხვა სამინისტროს წარმომადგენლებს ქვეყნის სოციალური და ეკონომიკური განვითარების სტრატეგიის პროექტი გააცნო.
თავადც სტრატეგიის პროექტის შემუშავების პროცესში მონაწილეობდნენ მინისტრთა კაბინეტის წევრები, ეროვნული ბანკის, ბიზნესასოციაციის წარმომადგენლები და სხვადასხვა დამოუკიდებელი ექსპერტები.
ქვეყნის სოციალური და ეკონომიკური განვითარების სტრატეგიის პროექტი ყველა სამინისტროს, ექსპერტების, ბიზნესსექტორისა და საერთაშორისო საზოგადოების აქტიური მონაწილეობით შემუშავდა.
ფინანსთა მინისტრის ნოდარ ხადურის განცხადებით, მნიშვნელოვანია, რომ საქართველოს ეკონომიკა გახდეს კონკურენტუნარიანი და სამოქმედო გეგმებზე საუბარი, სწორედ ამ სტრატეგიაშია საუბარი.
,, საქართველოს ეკონომიკა უნდა გახდეს კონკურენტუნარიანი და მხოლოდ კონკურენტუნარიანობის გაზრდის შემდეგ შეიძლება იმ პრობლემების გადაჭრა რომელიც დღეს დგას. მიმდინარე წელს საერთაშორისო რეიტინგით, რომელსაც საერთაშორისო ეკონომიკური ფორუმი ადგენს საქართველო ხუთი პუნქტით დაწინაურდა. ინვესტიციების მოცულობა გაიზარდა, რაც ადასტურებს იმას, რომ ქვეყნის ეკონომიკური კურსი სწორედ ვიტარდება", _განაცახადა ხადურმა.
ფინანსთა მინისტრის განმარტებით, ქვეყნის სოციალური და ეკონომიკური განვითარების სტრატეგიის განვითარების დოკუმენტის მთავარი მესიჯები იქნება ის, რომ ქვეყანაში ბიზნეს გარემო უნდა გაუმჯობესდეს და დაცული უნდა იყოს საკუთრების უფლება.
ხადურის განცხადებით, ქვეყნის სოციალური და ეკონომიკური განვითარების სტრატეგიის პროექტში ასახულია ის მექანიზმები და ინდიკატირები, რომელმაც უნდა უზრუნველყოს ქვეყანაში ყოვლისმომცველი ეკონომიკური ზრდა, როგორიცაა კერძო სექტორის კონკურენტუნარიანობისა და ფინანსებზე ხელმისაწვდომობის ზრდის ხელშეწყობა, ადამიანური კაპიტალის განვითარება და ამ მიზნის მისაღწევად აუცილებელი წინაპირობების შენარჩუნება, მაკროეკონომიკური სტაბილურობა, საბიუჯეტო ხარჯების ეფექტიანობა და ეფექტური სახელმწიფო მმართველობა.
