პატარა ამ ქვეყანას 30 აგვისტოს მოევლინა და კინაღამ დაიღუპა. მას დედამ მშობიარობის შემდეგ ფეხი დააბიჯა. ვეტერინარებმა პატარა სპილო დედას მაშინვე მოაცილეს და პატარა პაციენტის მრავალრიცხოვანი ჭრილობები დაამუშავეს.
ორი საათის შემდეგ, ვეტერინარებმა სპილო დედას დაუბრუნეს, თუმცა როგორც აღმოჩნდა დედა სპილომ ახალშობილზე შეტევა კვლავ გაიმეორა, მასზე იერიში მიიტანა და მის გათელვას შეეცადა.
ზოოპარკის თანამშრომლებს დიდი ძალისხმევა დასჭირდათ იმისათვის, რომ პატარა, აგრესიული დედისგან გამოეგლიჯათ და უსაფრთხო მანძილზე გადაეყვანათ.
თუმცა, დედასთან განშორებამ პატარა დაჭრილ სპილოზე იმდენად იმოქმედა, რომ მან ტირილი დაიწყო.
ზოოპარკის თანამშრომლები მის დამშვიდებას შეეცადნენ, ეფერებოდნენ, თუმცა ამაოდ - პატარა ცხოველის გულისტკენა იმდენად დიდი აღმოჩნდა, რომ მან მთელი ხუთი საათის განმავლობაში იტირა.
„ის ქვითინებდა მთელი ხუთი საათის განმავლობაში შუჩერებლივ", _ ამბობს ექსკურსიამძღოლი „და ყველაფერი იმის გამო, რომ ჩვენ იგი დედას დავაცილეთ, რომელიც მის მოკვლას ცდილობდა".