ქართველების კვების რაციონში მიდიების წილი იზრდება, სწორედ ამას მოწმობს სტატისტიკური ინფორმაცია, რომლის მიხედვითაც ირკვევა, რომ 2013 წლის იანვარ-ივლისში, გასული წლის ანალოგიურ პერიოდთან შეადრებით, საქართველოში მიდიების (ცოცხალი ან გაციებული) იმპორტი 13-ჯერაა გაზრდილი. „საქსტატის" ინფორმაციით, 2013 წლის შვიდ თვეში საქართველოში 1.3 ტონა მიდიის იმპორტი განხორციელდა, ხოლო 2012 წლის იანვარ-ივლისში კი 0.1 ტონა მიდიის იმპორტი. აღსანიშნავია, რომ წელს საქართველოში იმპორტირებულია 9.4 ათასი დოლარის მიდია, ხოლო 2012 წლის ანალოგიურ პერიოდში კი 1,4 ათასი დოლარის ღირებულების მიდია.
სტატისტიკური ინფორმაციის მიხედვითვე, მიდიების იმპორტის მხრივ უმსხვილესი საიმპორტო ქვეყანა გერმანიაა. საიმპორტო ქვეყნებში შედის ასევე საფრანგეთი, ნიდერლანდები და სხვა.
2012 წელს საქართველოში 0,7 ტონა მიდიის იმპორტი მოხდა, ხოლო 2011 წელს კი 0,04 ტონის.
