საქართველოს პრემიერ-მინისტრ ბიზინა ივანიშვილის განცხადებით, წელს ბათუმში ჩატარებულ ფესტივალ " ბათუმობასთან" დაკავშირებით არსებულ შეკითხვებს პასუხი აუცილებლად უნდა გაეცეს.
ივანიშვილის თქმით, თუ აღნიშნული ფესტივალის საორგანიზაციო სამუშაოებისას თანხების ხარჯვის პროცესში რაიმე სახის გადაცდომა მოხდა, ამის გამო ჩრდილი არც მთლიანად საქართველოს მთავრობას და არც აჭარის ავტონომიური მთავრობის ხელმძღვანელობას უნდა მიადგეს, რადგან შესაძლოა, კონკრეტულ შემთხვევაში რომელიმე რიგითი თანამშრომლის მიერ ჩადენილ გადაცდომას ჰქონდა ადგილი.
ამასთან, პრემიერის თქმით, "აუცილებლად დასარეგულირებელია სხვადასხვა სამინისტროების მიერ მოწყობილ პრეზენტაციებზე სუფრებისთვის დახარჯული თანხის საკითხიც, რადგან სააქართველოს ძვირადღირებული ღონისძიებების ფული არ აქვს".
"სუფრების საკითხი არის ამოსაწევი და აქ გვინდა ჩვენ ჩვენი კულტურა დავხვეწოთ. მეც ძალიან ბევრ პრეზენტაციებს დავესწარი სხვადასხვა სამინისტროებში და ხმამაღლა არ გამომითქვამს უკმაყოფილება, რომ იქ სუფრებზე მიდის ძალიან დიდი თანხები და ეს მე მგონი არ არის შესატყვისობაში დღევანდელობასთან,"- განაცხადა ბიძინა ივანიშვილმა.
