საგარეჯოს რაიონის სოფელ მანავის მოსახლეობა სოფლის რწმუნებულის თამარ მაზანიშვილის თანამდებობიდან გადადგომას ითხოვს
აღნიშნული მოთხოვნით, ადგილობრივებმა საპროტესტო აქცია გამართეს.
მოსახლეობა რწმუნებულს უყურადღებობაშიც ადანაშაულებს და აცხადებს,რომ ის სოფლის პრობლემებით არ ინტერესდება.მათივე თქმით,მაზანიშვილი დახმარებისთვის მისულ მოსახლეობას სიტყვიერ შეურაცხყოფას აყენებს,რაზეც მათ არაერთხელ მიმართეს სამართალდამცველებს.
აქციას თავად სოფლის რწმუნებული თამარ მაზანაშვილიც გამოეხმაურა და საპროტესტო შეკრებას ყოფილი გამგებლის, ლევან ავაქიშვილის მიერ ინიცირებული უწოდა.
