დაბა მახინჯაურში ზღვამ ახლაგაზრდა მამაკაცის გვამი გამორიყა.სამაშველო სამსახურის თანამშრომლებმა გარდაცვლილი მამაკაცი მატარებლის სადგურის მოპორდაპირედ, სანაპიროდან 150 მეტრის დაშორებით, წყლის ზედაპირზე იპოვეს.
მახინჯაურის საგანგებო და გადაუდებელ სიტუაციათა სამსახურის უფროსის მოადგილის დიმიტრი დარჩიას განცხადებით, გარდაცვლილი ბათუმში რამდენიმე დღის წინ ზღვაში დაკარგული სომეხი ეროვნების მამაკაცია.
"8 სექტემბერს დაღუპული ადამიანი, რომელზეც 3 დღის განმავლობაში მიმდინარეობდა ინტენსიური ძებნა, სავარაუდოდ, შიდა მიმოქცევით დაახლოებით 4 მილის მანძილზე იქნა გამორიყული. ცენტრალური რეაგირების ჯგუფმა, რომელიც აჭარის პლიაჟის გადამოწმებას ახორციელებდა და სამძებრო სამუშაობში იყო ჩართული, 100 მეტრის მანძილიდან შენიშნა საეჭვო ობიექტი, შეცურეს და ის ადამიანი აღმოჩნდა,"- განაცხადა დიმიტრი დარჩიამ.
ნაპოვნი ცხედარი ბათუმის პროზექტურაში გადაასვენეს.
