ჰერეთის თანამშრომლები 15:00 საათზე მდუმარე აქციას გამართავენ. რადიო ჰერეთი დღეს, 12:00 საათიდან მაუწყებლობას პროტესტის ნიშნად 1 დღით შეაჩერებს. ჰერეთის თანამშრომლები 15:00 საათზე მდუმარე აქციას გამართავენ საქართველოს კომუნიკაციების ეროვნული კომისიის შენობასთან და ამფორმით გააპროტესტებენ.საქართველოს კომუნიკაციების ეროვნული კომისიის გადაწყვეტილებას, რომლის მიხედვითაც თბილისში რადიომაუწყებლობის ლიცენზია არა ჰერეთს, არამედ "ენერჯი გრუპს" გადაეცა. გავრცელებული ინფორმაციით აღნიშნული "გრუპის" უკან კახა ბაინდურაშვილი, ლაშა ჩხენკელი და ზურაბ ნოღაიდელი დგას, - აცხადებს რადიო ჰერეთი.
სოციალურ ქსელში ჰერეთის თანამშრომლები განცხადებებს ავრცელებენ ყველა ჰერეთელი და დამოუკიდებელი მედიის მხარდამჭერი ვიკრიბებით საქართველოს კომუნიკაციის ეროვნულ კომისიასთან ჩვენი პროტესტის გამოსახატავად 15:00 საათზე,მშვიდობიანი მოთხოვნით -"ლიცენზია ჰერეთს!" გთხოვთ, მხარი დაგვიჭიროთ კომუნიკაციების ეროვნული კომისიის მიმდებარე ტერიტორიაზე! ნათქვამია განცხადებაში რომელიც სოციალური ქსელით ჰერეთის თანამშრომლები ავრცელებენ.