არსებული ინფორმაციით, ქალაქ ქუთაისის მერი დიმიტრი კოპალიანი საქართველოს ცენტრალურ აღმასრულებელ ხელისუფლებაში ერთ-ერთი მინისტრის მოადგილის პოსტს დაიკავებს.
ამის შესახებ "ჯი-ეიჩ-ენს" ქუთაისის საკრებულოს ფრაქცია "ნაციონალური მოძრაობის" წევრმა გია გოქაძემ განუცხადა.
გოქაძის თქმით, დიმიტრი კოპალიანს უკვე დაწერილი აქგს განცხადება ქუთაისის მერის პოსტიდან გადადგომის თაობაზე და მისი ეს გადაწყვეტილება უახლოეს მომავალში გახდება ცნობილი.
"ჩემი ინფორმაციით, ბატონი დიმიტრი რომელიმე მინისტრის მოადგილედ დაინიშნება. ამის შესახებ ინფორმაციას "პატრიოტთა ალიანსის" წევრები ავრცელებენ, რომლებიც ქუთაისის საკრებულოში 18 დეპუტატით არიან წარმოდგენილნი. 2 თვის განმავლობაში, რაც იგი ქუთაისის მერად დაინიშნა, ამ პერიოდის დიდი ნაწილი ამერიკაში გაატარა, 10 დღე თბილისში და ქალაქ ქუთაისში სულ ერთი კვირა იქნებოდა ალბათ ნამყოფი. არაა გამორციხული, როგორც მოიყვანეს მერად, ისევე უკან წაიყვანონ, ანუ როგორც მისი მოსვლით გაგვაკვირვეს, ისე წასვლით გაგვაკვირვონ,"- განუცხადა "ჯი-ეიჩ-ენს" გია გოქაძემ.
შეგახსენებთ, რომ ამერიკაში მოღვაწე ქართველი დიმიტრი კოპალიანი ქუთაისის მერად დაახლოებით, 2 თვის წინ დაინიშნა.
