სასჯელაღსრულები მე-17 საპყრობილის პატიმართა ოჯახის წევრები ციხის ე.წ ციხის მაყურებლებს პატიმრების მიმართ განხორციელებულ ზეწოლაში ადანაშაულებენ
ტელეკომპანია "რუსთავი 2"-ის ინფორმაციით, აღნიშნულ დაწესებულებაში პატიმრებს შორის დაპირისპირება მოხდა და ამ დროისთვის ნახევრად მკაცრი რეჟიმის საპყრობილეში დაძაბული მდგომარეობაა
არსებული ინფორმაციით, ციხეში სამეურნეო სქმოანობით დაკავებული მსჯავრდებულები გაიფიცნენ და საპატიმრო დაწესებულების ერთ-ერთ სართულზე არიან ჩაკეტილები.
მათი ოჯახის წევრების განცხადებით, პატიმრებს ე.წ. ციხის მაყურებლები ავიწროვებენ და მათგან სისტემატიურად ფულს და სიგარეტს ითხოვენ.
"ე.წ. ციხის მაყურებელი აგინებს ადმინისტრაციას, თავს არის გასული, ხშირად ე.წ. შტირებით მთვრალი დადის და მოითხოვს, რომ ყველა შემთხვევაში სამეურნეო ნაწილში დასაქმებულებმა უნდა იმუშავონ და თუ მათ ვინმე რამე საცუქარს გადასცემს, სიგარეტი იქნება ეს თუ სხვა რა, მას უნდა მისცენ. ამის გარდა იგი პატიმრებს აწერს ფულებს და თურმე ეს ყოფილა "ქურდების" დავალება,"- განაცხადა ერთ-ერთი გაფიცული მსჯავრდებულის ოჯახის წევრმა.
სასჯელაღსრულების რუსთავის მე-17 ნახევრად მკაცრი რეჟიმის საპყრობილეში პატიმრებს შორის არსებული დაპირისპირების ფაქტს სასჯელაღსრულების, პრობაციის და იურიდიული დახმარების საკითხთა სამინისტროს სასჯელაღსრულების დეპარტამენტშიც ადასტურებენ.
სასჯელაღსრულების დეპარტამენტის თავმჯდომარის მიხეილ ღურწკაიას განცხადებით, პატიმრებს შორის არსებული დაძაბული მდგომარეობა სერიოზული არ არის და კონტროლს ექვემდებარება.