საინფორმაციო სააგენტო "ინფო 9"-ის დირექტორი მანანა ელიაშვილი "ინფო 9"-ის შესაძლო დახურვას ჯერ-ჯერობით არ ადასტურებს.
როგორც ელიაშვილმა "ჯი-ეიჩ-ენთან" საუბრისას აღნიშნა, ტელეკომპანია "მეცხრე არხის" დახურვის შემთხვევაში, სააგენტო "ინფო 9"-ს დაიხურება, რადგან აღნიშნული მედიასაშუალების დამფუძნებელი "ტელეკომპანია "მეცხრე არხია".
"ჯერ-ჯერობით არ ვფლობ ინფორმაციას ამის თაობაზე. ველოდებით ოფიციალურ განცხადებას და მხოლოდ ამის შემდეგ შეგვეძლბა დეტალებზე საუბარი. დღეს "ინფო 9" ჩვეულ რეჟიმში მუშაობს, ახალი ამბები იტვირთება, ხვალაც იმუშავებს, რაც შეეხება მომავალს, ამის შესახებ ოფიციალური განცხადების გაკეთების შემდეგ შეგვეძლება საუბარი,"- განაცხადა მანანა ელიაშვილმა.
ცნობისთვის, გავრცელებული ინფორმაციით, საქართველოს პრემიერ-მინისტრის ოჯახის საკუთრებაში არსებული ტელეკომპანია "მეცხრე არხი" და საინფორმაციო სააგენტო "ინფო 9" პირველი სექტემბრიდან იხურება.
