ჩავთვალოთ, რომ უნივერსიტეტის დეპოლიტიზაცია დღეიდან დაიწყო, - ამის შესახებ განცხადება "პრაიმტაიმის" პრესკლუბში დღევანდელ პრესკონფერენციაზე თსუ-ს ახალმა რექტორმა ლადო პაპავამ გააკეთა.
მისივე თქმით, ის არც ერთი პარტიის წევრი არ არის და არც არჩევნებში უსარგებლია არც ერთი პარტიის მხარდაჭერით.
"მე არც ერთი პარტიის წევრი არ ვარ და არც არჩევნებში მისარგებლია არც ერთი პარტიის მხარდაჭერით. ამიტომაც ვინმეს პოლიტიკური დაკვეთის შესრულება უბრალოდ გამორიცხულია, ასეთი რამ არ მოხდება უნივერსიტეტში. თუ ვინმეს იმის განცდა აქვს რომ თსუ პოლიტიზირებული იყო ჩათვალეთ, რომ ეს 16 აგვისტოს დამთავრდა. ჩავთვალოთ, რომ უნივერსიტეტის დეპოლიტიზირება დღეიდან დაიწყო", - აცხადებს პაპავა.
უნივერსიტეტის აკადემიურმა საბჭომ ლადო პაპავა რექტორად 16 აგვისტოს აირჩია.