საქართველოს პრემიერ-მინისტრი ბიძინა ივანიშვილი ტელეკომპანია 'მეცხრე არხის' დახურვის თაობაზე განცხადებას გააკეთებს.
როგორც "ჯი-ეიჩ-ენს" არხის საინფორმაციო სამსახურის თანამშრომელმა განუცხადა, ტელეკომპანის გენერალური დირექტორი ლუბა ელიაშვილი უკვე ესაუბრა თანამშრომლებს და განუცხადა, რომ 10 თვიანი გასხვისების მცდელობის მიუხედავად, ტელევიზიას ახალი მეპატრონე არ გამოუჩნდა და თუ პირველ სექტემბრამდე "მეცხრე არხის" გაყიდვა ვერ მოხერხდა, იგი სავარაუდოდ, დაიხურება.
ამასთან, ტელევიზიის თანამშრომელბის განცხადებით, მათ ორი თვის სახელფასო კომპენსაცია გადაეცემათ.
"ჯი-ეიჩ-ენის" ინფორმაციით, აღნიშნულ საკითხთან დაკავშირებით ტელეკომპანია "მეცხრე არხი" ოფიციალურ განცხადებას დღეს, 15:00 საათიან საინფორმაციო გამოშვებაში გააკეთებს.