კოალიცია "ქართული ოცნების" ახალგაზრდულ ორგანიზაციას ოთარ აბესაძე უხელმძღვანელებს.
აბესაძის თქმით, მისთვის დიდი პატივია ჩართული იყოს მმართველი კოალიციის საპრეზიდენტო კანდიდატ გიორგი მარგველაშვილის წინასაარჩევნო კამპანიაში.
"ჩემთვის დიდი პატივია, ვუხელმძღვანელო პოლიტიკური კოალიცია "ქართული ოცნების" ახალგაზრდულ ორგანიზაციას, წინასაარჩევნო, ყველაზე მნიშვნელოვან პერიოდში. ვიყო საარჩევნო შტაბის ერთ-ერთი ხელმძღვანელი და გვერდით ვედგე ისეთ ღირსეულ საპრეზიდენტო კანდიდატს, როგორიცაა გიორგი მარგველაშვილი", - განაცხადა აბესაძემ.
ცნობისთვის, ოთარ აბესაძე ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის დოქტორანტია; იგი ასევე არის ფასების შესწავლის თანამედროვე პრობლემების ნაშრომის ავტორი. ამასთან, ის კითხულობს ლექციებს თსუ-ში.
აბესაძე შემოსავლების სამსახურის ადმინისტრაციაში განყოფილების უფროსად მუშაობდა, რის შემდეგაც მას განათლებისა და მეცნიერების ყოფილი მინისტრის გიორგი მარგველაშვილის მრჩევლის პოსტი ეკავა.
