ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს და „ჩემი ოჯახის კლინიკის" ერთობლივი აქციის ფარგლებში დღეს აჭარაში მცხოვრებ დევნილებს უფასო სამედიცინო გამოკვლევები ჩაუტარდათ. იძულებით გადაადგილებულ პირებს, სხვადასხვა პროფილის ექიმები მოემსახურნენ. აქცია დღის ბოლომდე გაგრძელდება.
დევნილთა სამინისტრომ და ჩემი "ოჯახის კლინიკამ" თანამშრომლობის მემორანდუმი გააფორმეს, რომელიც ითვალისწინებს დევნილთა უფასო სამედიცინო გამოკვლევებს მთელი საქართველოს მასშტაბით. აქცია სამეგრელოში გაგრძელდება, შემდეგ კი იმერეთსა და კახეთში დევნილ მოსახლეობას სრულიად მოემსახურება.