სენაკში, მდინარე ტეხურში 17 წლის ბიჭი დაიხრჩო. თვითმხილველების თქმით, გარდაცვლილმა არასრულწლოვანმა ცურვა არ იცოდა და მდინარემ ღრმა მონაკვეთში ჩაითრია.
შემთხვევის ადგილზე სამაშველო სამსახურის ბრიგადები იმყოფებოდნენ, თუმცა გარდაცვლილი 17 წლის ახალგაზრდას ცხედრის საძებნელად 3-4 საათიანი სამძებრო სამუშაოების ჩატარება გახდა საჭირო.
საბოლოოდ, ახალგაზრდას გვამი შემთხვევის ადგილიდან 400 მეტრის დაშორებით იპოვეს.
დაღუპულის მშობლებმა ექსპერტიზის ჩატარებაზე უარი თქვეს და ცხედარი სახლში გადაასვენეს.