"ეკლესია ყოველთვის იქნება იმის სადარაჯოზე, რომ აღვირახსნილი ცხოვრებით არ იცხოვროს ადამიანმა,"- ამის შესახებ სრულაიდ საქართველოს კატოლიკოს პატრიარქის, მცეთა თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია მეორეს ქორეპისკოპოსმა, გარდაბნისა და მარტყოფის მიტროპოლიტმა იაკობმა საკვირაო ქადაგებაზე ისაუბრა.
მისი თქმით, "ამ აღვირახსნილ ცხოვრებაში არა მარტო მრუშობა, არამედ ძარცვა, ყაჩაღობა, სხვისი ჩაგვრაც მოიაზრება და რაც საძაგელია ღვთისათვის, ასევე საძაგელი უნდა იყოს ადამიანისთვის".
"ადამიანს ძალიან ბევრი მოეთხოვება და არ შეიძლება ის უზნეობას შეეგუოს. როდესაც უზნეოდ ცხოვრობ, უღმერთოდ ხარ ადამიანი და ღმერთის არ ხარ, როდესაც გარყვნილებაში და გარყვნილობის ჭაობში ცხოვრობ, არ ხარ ღმერთის, მაშინ ხარ უბრალოდ - ადამიანის ფორმის მატარებელი. ყველა უნდა დაფიქრდეს, თუ რატომ იცავს სარწმუნოებას, ქართველი ერი. ის თითოეული ადამიანისთვის იბრძვის, მას არ უნდა, რომ ვინმეს რაღაც ცუდი შეემთხვას. ჩვენმა ერმა იცის, თუ რა არის კარგი და რა არის ცუდი. თუმცა ხშირად ხდება, რომ ჩევნც გადავვარდებით ხოლმე უზნეობის ჭაობში, მაგრამ მოწყალე ღმერთი გამოგვაფხიზლებს ხოლმე. მაგალითად, მე რომ ცუდად მოვიქცე, ვიღაცამ უნდა მითხრას, რომ არ შეიძლება ასე. რაც არ უნდა მტკივნეული იყოს, ვალდებულები ვართ ერთმანეთს სწორი გზა სიყვარულით მივუთითოთ. ჩვენი ეკლესია ყოველთვის დაიცავს იმას, რასაც საუკუნეების განმავლობაში იცავდა", - განაცხადა მეუფე იაკობმა.